-
Coprecik eta ACEDEk hainbat...
COPRECI kooperatibak eta Euskadiko Etxearen Klusterrak (ACEDE) “Stir and Taste Innovation Session” izeneko berrikuntza saioa antolatu zuten elkarrekin. Saio horretan, elikadura, sukaldaritza eta gastronomiaren sektoreetako hainbat enpresa eta erakunde elkartu ziren, klusterreko kideen artean elkarlaneko berrikuntza sustatzeko, esaterako, COPRECIren eta elikaduraren balio kateko beste erakunde batzuen artean.
Hitzordua abenduaren 12an izan zen, H-Eneako living lab gunearen esploratoriumean, ACEDEk kosorkuntzarako Arrasate-Mondragonen duen gunea baita. COPRECIk eta ACEDEk gonbidatuta, saioan enpresa eta erakunde hauek egon ziren, besteak beste: Ameztoi (catering), Basque Culinary Center (prestakuntza), Eika (osagaiak), Lacor (sukalde tresnak) eta Silam (slikonazko soluzioak). Guztira, hogeita hamar bat profesional elkartu ziren, eta lankidetza proiektu posibleetarako ideiak sortzen aritu ziren modu aktiboan.
“Stir & Taste” saioari hasiera emateko, ACEDEko koordinatzaile Xabier Gorritxategik hartu zuen parte. Saioa bideratzen ere aritu zen, bertaratuei ongietorria emanez, ekitaldia kokatuz eta jardunaldia nola garatuko zen azalduz.
Gorritxategik azpimarratu zuen gaur egun eraldaketak azkar gertatzen direla eta “gero eta garrantzitsuagoa” dela ‘ohartzea’ eta ‘ulertzea’ jada gertatu den aldaketara egokitzeko edo aldaketa horretarako prestatzeko ”; hori dela eta, saioaren lehen zatian joerak analizatu ziren. Hala, klusterreko koordinatzaileak azaldu zuenez, “Etxeetako sukaldeetan gertatzen ari dena eta zergatik gertatzen ari den ulertu eta etorriko diren aldaketei elkarlanean eta ikuspegi eta ikusmolde desberdinetatik abiatuta baina bezeroarentzako onura xede izanik aurrea hartzeko moduaren adibide praktikoa” da “Stir and Taste Innovation Session” saioa.
Aldaketa horiek ulertzeko, COPRECIko Sales Managerra den Natxo de Vicentek lehen hitzaldi bat eman zuen. Hitzaldian, janariak prestatzeko moduei dagokienez munduan dauden joerak azaldu zizkien parte hartzaileei, bai eta etorkizunean janak prestatzeko moduak izan ditzakeen aldaketak ere. De Vicenteren arabera, etengabeko urbanizazioak, munduko hainbat lekutan etxe kopurua handitzeak edo hainbat herrialdetan, hala nola Txinan edo Indian, klase ertainak gora egiteak gogor eragingo du jateko moduetan eta janak prestatzeko moduetan oro har.
Violeta Gonzalezek, ACEDEren ordezkari gisa, agertzen ari diren eta kontsumitzaileen portaeretan eragina izaten hasi diren hainbat korronte edo joeraren berri eman zuen saioan, hala nola teknologiaren erabilera, osasunarekiko eta nutrizioarekiko gero eta kezka handiagoa, berritzaileentzat eta “foodpreneurs” delakoentzako guneen sorrera, eta jakiak erosteko eta elikatzeko modu berrien edo elikadurari lotutako filosofia berrien agerpena, besteak beste. Ondoren, hainbat dinamika egin ziren bertaratutako guztien partaidetzarekin, non denok elkarlanean arlo berritzaileak aurkitzen eta asmatzen saiatu ziren, etorkizunean merkatuan berrikuntzak egiteko. LABURPEN BIDEOA -
Kunshaneko agintarien...
Pasa den maiatzaren 4an, Kunshaneko Gobernuko ordezkaritzak Korporazioa ezagutu zuen. Horretarako, bisitan etorri ziren Ms Gao Yiping, Qiandeng-eko alkatea (Industria Parkea kokatuta dagoen herria) eta Mr. Gu Juming, Kunshaneko Merkataritza Ganberako zuzendaria, beste enpresari txinatar batzuekin batera.
Oskar Goitiak egin zien harrera Korporazioan, Mondragon Internazionaleko lehendakariak. Hainbat kooperatibetako ordezkariak elkartu ziren eta Kunshan oso leku aproposa dela azpimarratu zuten merkatu txinatarrean interesak dituzten kanpoko enpresentzat. Miren Madinabeitiak ere parte hartu zuen ekitaldian, SPRIko Nazioarteko Zuzendaria (Eusko Jaurlaritza).
Mondagoneko bisitaren ondoren, Txinako ordezkaritza Coprecira etorri zen, Kunshaneko industria parkean ezarritako azken kooperatibara, eta bere jarduera aurtengo urtean zehar martxan jartzea aurreikusten duena. Javier Oleaga Zuzendari Nagusiak harrera egin eta gero, Aretxabaletako ekoizpen plantako instalazioak ezagutu zituzten. Bisitan zehar, Kunshanen ekoiztuko dituzten etxeko egosketa balbulak zehaztasunez ikusteko aukera izan zuten.
Yang Xiaolin /Javi Oleaga / Gao Yiping / Iñigo Albizuri / Miren Madinabeitia / Gu Juming
-
Zorionak eta Urte Berri On
-
Urteko asmatzaileari...
GALBAIAN Jabetza Industrialeko Agentziak urteko asmatzaile onenari GALBAHE SARIA 2016 eman dio Felix Kerejetari. Felix Copreciko Teknologia Kudeatzaile Seniorra da. Ekitaldi honekin GALBAIANek Euskal Herrian jabetza industrial eta intelektual mailan kultura bat sortzeko bidean beste urrats txiki bat eman nahi izan du Jabetza Industrial eta Intelektualaren Nazioarteko Eguna aitzakia moduan hartuta.
Sari honen bitartez GALBAIANek azken 12 hilabetetan gehien nabarmendu den asmatzailea saritu nahi izan du, horretarako denbora honetan garatutako asmakuntzen kantitate eta kalitatea kontutan izanda. Felixen kasuan, azken urtean egindako lanetik harago, badago urte askotako ibilbide azpimarragarri bat, dagoeneko 23 patente familia argitaratu baitira bere asmakuntzekin, guztiak Coprecin garatuak.
Galbaian, Intellectual Property
Día Mundial de la Propiedad Intelectual: Ompi - Wipo
-
Mondragon-eko bideo berria
-
Copreci Asiako etxetresnen...
Coprecik AWE 2016 azokan erakusmahaia jarri du lehen aldiz. Azoka Shanghaien egin zen 2016ko martxoaren 9tik 12ra.
Coprecik, produktu eskaintza zabala jarri zuen erakusgai: gasezko sukaldeetako osagaiak, indukziozko sukaldeenak, ontzi eta arropa garbigailuentzako ponpak…
Azoka honetan parte hartzeak, eta duela gutxi Kunshaneko planta berriaren irekierak, merkatu txinatarrean parte hartzeko egindako apustua indartzen dute. Coprecik Haierren standean ere hartu zuen parte, honek hornitzaileen txokoan BLP3 motorra erakutsi baitzuen. Asiako erraldoi gisa ezagutzen den Txinako azoka honetako lehen parte hartzea izan zen. Sektoreko fabrikatzaile handiek parte hartzen dute bertan; besteak beste, Haer, Midea, Samsung, LG, Panasonik, edota Bosch, Siemens, Whirlpool… 100.000 m2ko erakusketa honetan, 100.000 bisitarik baino gehiagok hartu zuten parte.
Coprecik, ekitaldi hau baliatu zuen Txinako merkaturako prestatutako logotipo berria aurkezteko: Copreci- Ke Pei Xi. Ke Pei Xik, “mendebaldetik datorren teknologia miresgarria” esan nahi du, eta fonetikoki Copreciren antz handia du. Txinako publikoarentzat deigarria da eta identifikatzen laguntzen du.
-
Copreci,...
2008an, Coprecik BLP3 motorra merkaturatu zuen, merkatuan arrakasta handia izan zuen motor iraultzailea. Berrikuntzak etenik ez daukanez, ontzi garbigailuetarako BG9 motorra merkaturatu dugu orain.
Jakina nahiko zenuke nola egiten dugun? Bideo honetan ikus dezakezu. -
COPRECI eta HPBA azoka, 20...
HPBA “Hearth, Patio & Barbecue Expo”, sektore honetan Ipar Amerikako azokarik handiena da. Urtero, Estatu Batuetako leku ezberdin batean milaka profesional batzen ditu; aurten, New Orleansen egin da.
Mr. Jack Goldman, HPBAko lehendakariak, oroigarri bat eman zion Copreci ordezkatzen zuen Jokin Antxiari, azken 20 urteetan hutsik egin gabe urteroko hitzordu honetan parte hartu duelako.
Jokin Antxiarekin hitz egin dugu, azoka honek Copreciren historian izan duen garrantziaren inguruan.
J. Antxia: Duela 20 urte baino gehiago bisitari gisa parte hartzen hasi ginen arren, aurten beteko dira 20 urte stand propioarekin parte hartzen hasi ginenetik. Garai hartan, azoka hau Coprecirentzat oso garrantzitsua izan zen, izan ere, estufa eta BBQen amerikar merkaturako atea zabaltzea suposatu zuen: mapa hartan gure lekua egin genuen eta merkatuan ezagutarazi gintuen.Zein izan da sektore honen eboluzioa?
Hasieran, fabrikatzaile guztiak Estatu Batuarrak ziren, beraz, azoka nazionala zela esan daiteke. Gerora, fabrikatzaile askok Txinara migratu zutenez, azokaren tamaina apur bat txikitu zen, egungo dimentsiora heldu arte, non bezero asko berriz ere Ipar Amerikan fabrikatzera bueltatu diren.Urte guzti hauen ondorioz, bezeroekin dagoen harremana berezia izango da, ezta?
Estatu Batuetan, mota honetako ekitaldietako harremanak bereziak izaten dira: kontratuak edo produktu baten ezaugarri teknikoak negoziatzen egon garen pertsona berbera, bi ordu beranduago mozorrotuta agertu daiteke azokak antolatutako jai batean. Gogoan dut, duela bi urte, Jack Goldman bera Elvisen mozorroarekin jantzita ikusi nuela.Eta hobetzeko esperientziarik?
Asko. Azoka hauetan jatorri eta kultura askotako pertsonekin egoteko aukera izan dugu. Gainera, euskal diasporarekin ere egin dugu topo, izan ere, azokak, euskal komunitate garrantzitsuak dauden lekuetan ere egin baitira, Renon adibidez. Baditugu euskal-amerikarrak diren bezeroak, Aupa Plancha esaterako, beraien produktuetan euskal sinboloak jartzen dituztenak. Bizipen bereziak dira, errepika ezinak.
-
Coprecik “Urteko...
Coprecik, parte hartu zuen, etxetresnen fabrikatzaile poloniarra den Amicak urtero antolatzen duen Hornitzaileen ekitaldian. Sari hauen bidez, Amicak errekonozitzen du bere hornitzaileen profesionaltasuna eta hauek egiten duten ekarpena Taldeko Estrategia Globala garatzeko.
Ekitaldian, Jacek Rutkowski Amicako lehendakariak hartu zuen parte eta saria eman zien Imanol Oleagari, Copreciko Gas Egosketa Europako zuzendariari, Jan Veselyri, Kooperatibaren ordezkariari eta Unai Escartini, Key Account Managerrari.
Horretaz gain, ekitaldian egon ziren besteak beste, Tomasz Dudek, Amicako lehendakariordea eta Blazej Sroka, osagaien Erosketa Zuzendaria. Sari honek, urte hauetan zehar lehiakortasunean, bezeroaren zerbitzuan eta berrikuntzan egindako lana errekonozitzen du eta Coprecik bezeroarekiko orientazioan duen estrategia sendotzen du.
-
Merkatu amerikarrerako...
Coprecik, merkatu amerikarrerako espresuki egindako balbula duala garatu du, produktu sendoa eta kalitate handikoa. Bideo honetan balbula nola egiten dugun erakutsiko dizugu.
Orrialdea 6-(e)tik 9-(e)ra