Copreci “Empresa XXI”...

Copreci Turkiak bere 10....

Pasa den urriaren 25ean Copreci Turkiak, Kooperatibak Gebzen duen produkzio plantak, bere 10. urteurrena ospatu zuen. Bertako langileek beraien Copreciko esperientzia kontatuz bideo motibagarri bat aurkeztu digute.

Gehienak kooperatiban lan egin duten emakumeen esperientzia hunkigarriak dira, erakunde hauetan pertsonek duten garrantzia azpimarratzen dutenak, edota formazioan, gardentasunean eta parte hartzean egin den apustua.

Copreci orain dela hamar urte iritsi zen Estanbuletik 60 km-tara dagoen Gebze herrira. Bezeroarekiko gertutasuna bultzatu nahian eta herrialde honetan finkatuta zeuden mundu mailako bezero nagusi batzuen plantei zerbitzu zuzen eta globala eskaini nahian. Gaur egun 80 pertsona inguru dabiltza lanean planta honetan.

Urriaren 25ean 10 urte hauek oroitzeko festa ospatu zuten eta bertan elkartu ziren gaurko langileak eta jada erretiratuta daudenak. Zorionak Copreci Turkia!

Ekuadorreko Industria eta...

Ekuadorreko gobernuaren “Egosketa eraginkorra” programaren parte izan zen egindako bisita. Programa honek, gasezko 3,5 miloi sukalde indukzio plakengatik ordeztu nahi ditu. Ramiro González, Ekuadorreko Industria eta Lehiakortasun Ministroa, Aretxabaletara gerturatu zen Copreciko instalazioak bisitatzeko.

Bere herrialdean energia-matrizea aldatzeko asmo handiko plan bat ezarri dute. Plan honen helburua honakoa da: petrolio-gas likidotuaren inportazio murriztea eta zentral hidroelektriko berrietatik eratorritako energia elektriko soberakina aprobetxatzea.

Hain zuzen ere, “Egosketa eraginkorra” proiektua da aldaketa horren zutabe garrantzitsuenetakoa, gasezko 3,5 miloi sukalde indukzio plakengatik ordezkatzeko. Indukzio generadore hornitzailea da Copreci, Ekuadorreko Industria Ministerioarekin eta bertako linea zuriko fabrikatzaileekin batera (Mabe, Induglob, Ficbroacero, DME, Ferromedica, …)

Zehazki, Aretxabaletako kooperatibak, Ekuadorreko merkatuaren beharrei zehatzean erantzuteko produktu plataforma bat garatu du. Plan honen ezarpen progresiboak datozen urteetarako negozioaren hazkunde bat ekarriko du Aretxabaletako plantarako eta ondorioz, lanpostu berrien sorrera.

Bisitan zehar, Ramiro González ministroa, Mondragoneko lehendakari orde den Josemi Arregirekin eta Copreciko zuzendari nagusiarekin, Javi Oleagarekin egon zen. Ministroarentzat sorpresa atsegina izan zen MONDRAGON osagaiak “2018ra arte indukziozko 3 milioi sukalde baino gehiago ekoizteko merkatu potentziala duten Ekuadorreko sektoreko industrien bazkide estrategikoa izendatzea”.

Ekuadorrek indukzioaren...

Coprecik indukzio moduluak hornitzen dizkie bertako fabrikatzaile nagusiei.

Ekuadorreko Gobernuak Programa Nazional bati ekin dio gasezko 3 milioi sukalde, indukiozkoengatik ordezkatzeko asmoz. Proiektu honen helburua da gas likuatuaren kontsumotik elektrizitatera pasatzea, eta horrela, etxeetan kontsumitzen den gas inportazioaren %80 ekiditea.

Abuztutik erabiltzaileak sukaldeak eskuratzeko finantzaketa planean izen emateko aukera daukate. Plan hau Elektrizitate eta Energia Berriztagarrien Ministeritzak jarri du martxan. Gainera bideo unkigarri bat argitaratu da "Nacimos para vivir cambios" titulupean.

Coprecik patente gatazka...

Aretxabaletako kooperatibak multinazional honen aurka Estatu Batuetako Georgiako Ipar Barrutiko Epaitegian patenteen arau-hauste bat dela eta jarri zuen demandaren ostean bi aldeak akordio batetara iritsi dira Brinkmann Corporationekin akordio batetara iritsi da Copreci, azken honek enpresa multinazionalari patenteen arau-hauste bat dela eta Estatu Batuetako Georgiako Ipar Barrutiko Epaitegian jarri zion demandaren ostean. Demandaren oinarrian zeuden patenteak, US 7,950,384 B2, US 8,282,390 B2 eta US 8,449,289 B2 balbula dualak dauzkaten egosketa aparatuei dagozkienak dira, hain zuzen ere, gas natural nahiz likidotua erabiltzea ahalbidetzen dutenak. Soluzio dual honek abantaila handia eskaintzen die fabrikatzaileei, izan ere, bi gas motendako baliagarria den modelo bakarra eskain dezakete, gas mota bakoitzarentzako modelo berezitua eskaintzen ibili beharrik gabe.

2012ko abenduaren 5ean aurkezturiko demandan zehar Coprecirentzako egoera oso onera iritsi ginen. Arau-haustea egon zela justifikatzeko Coprecik erabilitako argumentuen alde agertu zen Epaitegia, oso modu argian gainera. Testuinguru honetan, bi aldeak akordio batetara iritsi ziren, eta prozesu judiziala itxitzat eman zuten. Akordio honen arabera, Brinkmann Corporationek Copreciri kopentsazio ekonomikoa emango dio orain arte buruturiko salmentengatik, eta etorkizunean Copreciren soluzio duala erabiltzen jarraitu ahal izateko lizentzia eskuratuko du. Gainera, Brinkmann Corporationek bere produktuak Copreciren patente zenbakiarekin markatu beharko ditu, eta bere web orrian adierazi beharko du bertako produktuak Copreciren patenteen lizentziapean saltzen direla.

Antzerako kasuak

Ez da lehen aldia Coprecik Ameriketako erraldoi baten aurrean patenteen gatazka bat irabazten duena. Orain dela hiru urte Coleman multinazional batekin auzibidetik kanpoko akordio batetara iritsi zen. Hau Copreciren baimenik gabe bere patente araua hausten zuten egosketa aparatuak saltzen ari zen. Hain zuzen ere, US 7,174,913 B2 patenteak, gas iturri bati dagozkionak; honen akzionamenduak fidakortasun handiko ekipoen aginteek sortzen duten jakinarazpen ukigarri eta entzungarri bat sortzen du. Copreciren patente araua hausten ari zela ohartarazi ostean, Colemanek ordura arte eginiko salmenten ordez Copreci ekonomikoki konpentsatzeko erabakia hartu zuen, eta araua hausten zuen produktua fabrikatu eta saltzeari utzi zion.