BG9a, ontzi...

Coprecik ontzi garbigailuetarako birzirkulazio motor berri bat garatu du BLDC teknologian oinarrituta, eta horrekin beste urrats bat eman du produktu katalogoa handitzeko lanetan. Garapen horrekin erreferente izatera pasatu da ganbera hezeko errotore motorretan brushless teknologia erabiltzeari dagokionez, eta beste garapen batzuei heltzeko aukera ematen du, bai potentzia handiagoko aplikazioetan, bai beste sektore batzuetan, esaterako aireztapenaren sektorean.

BG9 motor berria ontzi garbigailuen munduko liderraren eskutik jaio da. Merkatuko zarata mailarik txikienarekin funtzionatzen du. Eta efizientzia energetikoari eta ur kontsumoari dagokienez estandarrik zorrotzenak betetzen ditu.

Produktuaren egokitzeko gaitasunari esker, soluzio pertsonalizatuak eskaintzen uzten du, bezeroen baldintza indibidual eta espezifikoetara moldatuta. Soluzio horien artean daude, besteak beste, berotze funtzioa integratzea, dela erresistentzia tubularren bitartez dela Thick Film erresistentziaren bitartez, eta motorraren kontrolerako elektronika gehitzea. Eta potentzia tarte zabal bat hartzen du bere baitan, etxeetan zein industrietan erabiltzeko.

Coprecik Aretxabaletan eta Txekiar Errepublikako Dvorce herrian fabrikatu dezake BG9a, bezeroaren premien arabera.

Fabrikazio lerro berriak banakako trazabilitatearen kontrolerako sistema modernoa du, bai eta fabrikaziorako azken teknologiak ere, esaterako needle windinga eta transferentzia magentikoko sistemak.

COPRECIk bigarren planta...

MONDRAGONek Kunshanen duen parkean kokatuta, 2016an hartuko ditu goi gamako gaineko sukaldeetarako gas balbulak fabrikatzeko lehen inbertsioak.

Copreci kooperatibak etxetresna elektrikoetako osagaiak diseinatu eta fabrikatzen ditu, MONDRAGON Korporazioan integratuta dago, eta aurten bere bigarren filial produktiboa irekiko du Txinan. Kunshan enpresa parkean egingo du, 3.200 metro koadroko azalera bat okupatzen duen eraikin batean, eta balbulen ekoizpena landuko dute bertan, Txinako merkatuan goi gamako gas bidezko gaineko sukaldeak hornitzeko. Plantaren jarduera aurtengo hirugarren hiruhilekoan hastea aurreikusita dago, eta ordu arte egokitzeko, makineria jasotzeko eta langileak prestatzeko lanak egingo dira.

Txina, herrialde estrategikoa

Coprecik dagoeneko 12 urteko esperientzia dauka Txinan, Asiako herrialdeko hegoaldean ireki zuen lehen plantarekin(Zhuhai). Aurki irekiko duen lantegiarekin herrialde horren aldeko apustu estrategikoa sendotzen du. Gainera, Coprecik abantaila erantsi bat dauka merkatu horretan duen ibilbideari gehitzeko, eta hori bere ahalmen teknologikoa da, horri esker industri prozesuak automatizatzeko betekizunik zorrotzenetara egokitzeko aukera baitu, askoz produktu efiziente eta fidagarriagoak garatzeko. Berez, Kunshaneko planta berrian prozesu oso automatizatuak instalatuko dira, kalitatea kudeatzeko sistema aurreratuekin, Txinan gertatzen ari den aldaketa azkar eta sakonaren isla.

Copreci Kunshanen hurbileko zerbitzua eman nahi zaie Shangaiko bezeroei, Copreci Zhuhaiko ekoizpena 1.600 kilometroko distantziara baitzegoen. Edonola ere, Hegoaldean lortutako esperientzia ezinbestekoa izango da, eta bi lantegiek koordinatuta egingo dute lan.

Nazioarteko profila

Filial produktibo berria irekitzeko lankidetza sendoa egon da Korporazioaren nazioarteko departamentuarekin, eta Copreciren nazioarteko profil nabarmena bermatzen du. Kooperatibak, aipatutako Kunshan eta Zhuhaiz gain, Mexiko, Turkia, Txekiar Errepublika eta Italian ditu planta produktiboak, herrialde horietako zein inguruetako merkatuak hornitzeko presentzia produktibo globalaren aldeko apustuaren barruan, eta aldi berean jarduera handiagoa sortzen du Aretxabaleta eta Altsasu lantegietarako.

Copreci: Etxetresna elektrikoetarako osagaietan adituak izanik, Coprecik presentzia industrial globala duen enpresa bat da, eta 2015ean 240 milioi euro inguruko fakturazioa lortu zuen, horietatik %95 baino gehiago nazioarteko salmentetan. Plantillan 1.700 pertsona daudelarik, Copreci I+G+Bko ahalmen handiak dituen erakunde bat da, bezeroei soluzio berritzaileak eta iraunkorrak proposatzera zuzendua, hau da, etxetresna elektrikoen arloko munduko markarik handienei.

Copreci Coprecik Korean...

Copreci, Haier-eko...

Haier-ek egindako gonbidapena onartuz, aurreko astean, Coprecik, Txinako Qingdao hirian egiten den urteroko azokan parte hartu zuen, etxetresnen egoitza zentral erraldoia.

Teknologia hornitzaileen azoka hau, Haier-eko garapen, erosketa eta ingeniaritza departamenduetako langileentzat garrantzitsua da, izan ere, azoka honetan, bertatik bertara ezagutzen dituzte aukeratutako hornitzaileen berrikuntza teknologikoak.

Copreciko postuak bisita asko jaso zituen, azpimarratzekoa izan zen Haier-eko lehendakaria den Liang Haishan jaunarena. Honek, batera lan egiteko aukerak azpimarratu zituen, Haier-ek, Txinako merkatutik kanpo bere merkatu kuota handitu dezan, soluzio teknikoak bilatzeko. Argazkian, Haishan jn. Copreciko lankideekin.

Clean Hood. Coprecik...

Izena, ingelesezko “kanpai garbia” esanahitik dator, izan ere, sistema berritzaile honi esker, kanpaiak modu autonomoan funtzionatzen du, erabiltzaileak aktibatu beharrik gabe, hau da: kontrolak ukitu beharrik gabe. Gasezko sukaldea piztutakoan, kanpaia eta honen argia modu automatikoan pizten dira.

Kanpaiaren potentzia, egosketa mailaren arabera egokitzen da: suaren potentzia igotzerakoan, kanpainarena automatikoki igotzen da, eta itzaltzerakoan, kanpaia itzaltzen da… nahi izanez gero, sua itzali ondoren kanpaiak funtzionatzen jarraitu dezan programatu daiteke, sukaldeko ke guztia xurga dezan.

Lasaitu eta ahaztu zaitez kanpaiaren mandoez, Clean Hoodek egingo du lana zure partez.